ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Хәвеф-хәтәр

Казан Башкарма комитеты янгында һәлак булган гаиләне җирләүдә ярдәм күрсәтәчәк

22 апрель 2019, 17:28

Гаилә парын һәм өч баланы мөселман зиратында, әбине туганнары карары буенча Балык Бистәсе районында җирлиләр.

(Казан, 22 апрель, «Татар-информ»). Казан Башкарма комитеты «Ритуал» оешмасы белән берлектә янгын вакытында һәлак булган гаиләне җирләүдә бушлай ярдәм күрсәтәчәк. Бу хакта «Татар-информ»га Казан мэриясе матбугат хезмәтендә хәбәр иттеләр.

Өч балалы гаилә пары башкаланың Мамадыш трактындагы мөселман зиратында җирләнәчәк. Һәлак булган әбине туганнары Балык Бистәсе районында җир куенына салачак.

  • «Татар-информ» бүген төнлә Казанның Авиатөзелеш районындагы шәхси йортта янгын чыкканлыгын хәбәр иткән иде. Һәлакәттә алты кеше – йортның өлкән хуҗабикәсе, аның 31 яшьлек кызы һәм аның ире, аларның өч кечкенә баласы (11 һәм 9 яшьлек малайлар һәм тугыз айлык кыз бала) үлгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10