ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Фән һәм мәгариф

Аспирантларны диссертация якларга мәҗбүр итәчәкләр

23 апрель 2019, 15:02

Татьяна Голикова сүзләренчә, закон проекты шулай ук фәнни эшчәнлек белән шөгыльләнүче яшьләрне кызыксындыру механизмнарын булдыруны да күздә тота.

(Казан, 23 апрель, «Татар-информ»). Россия вице-премьеры Татьяна Голикова белдергәнчә, Хөкүмәткә аспирантура тәмамлаганнан соң кандидатлык диссертациясен мәҗбүри яклауны күздә тоткан закон проекты тапшырылган. Бу хакта «Интерфакс» агентлыгы хәбәр итә.

«Без кандидатлык диссертациясен яклауны мәҗбүр итеп куйган аспирантура институтын яңадан торгызабыз», - диде Голикова Россия Фәннәр академиясенең гомуми җыелышында.

Аның сүзләренчә, закон проекты шулай ук фәнни эшчәнлек белән шөгыльләнүче яшьләрне кызыксындыру механизмнарын булдыруны да күздә тота. Бу - илдә аспирантура институтын торгызу өчен кирәк.

  • Россиядә мәгариф турындагы закон буенча аспирантура югары белемнең өченче баскычы санала. Гамәлдәге концепция нигезендә, аспирантура тәмамлагач, диссертацияне мәҗбүри яклау каралмаган – бу этап аспирантлар әзерләү кысаларыннан чыга.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10