ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Авыл

Азнакай механизаторларына сертификатлар тапшырылды

24 апрель 2019, 22:00 , Фото: aznakaevo-rt.ru

Азнакай механизаторларына сертификатлар тапшырылды Районда бүгенгә 7 меңнән артык гектарда чәчү эшләре башкарылган.

(Азнакай, 24 апрель, "Татар-информ", "Маяк",  Резедә Шәрипова). Һәр елны алдынгы механизаторларга кыр эшләре чорында сертификатлар тапшыру Азнакай районында матур традициягә әверелде. Район башлыгы урынбасары Наҗәт Нәгыймов иң беренче булып әлеге премияләрне “Марс” хуҗалыгы хезмәтчәннәренә тапшырды. Бу турыда җирле басма хәбәр итә.

Биредә эшләр оешкан төстә бара. Техника чәчүгә төшкәнче әзерләнгән, кадрлар белән тулысынча тәэмин ителгән иде.

"Сертификатка 13 механизатор ия булды. Без 900 гектарда уҗым культураларын тукландырдык, 1500 гектарда күпьллык үләннәрне тырмаладык, туңга сөрү бетеп килә. 500 гектардан артык мәйданда иртә культуралар чәчелде. Кәефләр әйбәт, көннәр яхшы, эшләргә дә эшләргә", – ди хуҗалык җитәкчесе Рамил Зарипов.

Районда бүгенгә 7 меңнән артык гектарда чәчү эшләре башкарылган.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10