ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Спорт

“Рубин” – “Уфа” уены тигез исәп белән төгәлләнде

24 апрель 2019, 21:52 , Фото: Михаил Захаров

“Рубин” – “Уфа” уены тигез исәп белән төгәлләнде Хоккейчының туп бәрүе белән башланган футбол матчы исәбе – 1:1.

(Казан, 24 апрель, “Татар-информ”, Гөлия Хәсбиуллина). Бүген "Казан-Арена" стадионында Казанның “Рубин” футбол командасы “Уфа”га каршы уйнады. Әлеге матч хоккейчының туп бәрүе белән башланды һәм 1:1 исәбе белән тәмамланды.

Матч “Ак Барс” хоккей командасы уенчысы Артём Лукояновның тупны символик рәвештә тибүе белән башланды. “Ак Барс” һөҗүмчесенең футбол белән мавыгуы билгеле, 21 апрель көнне ул хәтта Яр-Чаллының “КАМАЗ” футбол командасы составында чыгыш ясады.

Уенның кырык бишенче минутында “Уфа” футболчысы Ондржей Ванек тупны капкага кертте (0:1).

Тәнәфестән соң, уенның җитмеш икенче минутында “Рубин”ның сакчысы Егор Сорокин исәпне тигезләштерә алды (1:1).

“Рубин” командасының старт составы.
Капкачы: Иван Конвалов; сакчылар: Игорь Калинин, Егор Сорокин, Филип Уремович, Ибраһим Цаллагов; ярымсакчылар: Павел Могилевец, Игорь Коновалов, Вячеслав Подберёзкин, Руслан Камболов; һөҗүмчеләр: Александр Бухаров, Дмитрий Полоз.

Киләсе уенда “Рубин” футболчылары Мәскәүдә “Спартак” командасы белән очрашачак. Матч 29 апрель 19:30 сәгатьтә башлана. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10