ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Авыл

Баулы районында уҗым культуралары зыян күргән

25 апрель 2019, 05:00

Үсемлекчелек бүлеге белгечләре алдагы көннәрдә барлык хуҗалыклар басуларын тикшереп, авыл хуҗалыгы министрлыгына мәгълүмат җибәреп торачак.

(Баулы, 25 апрель, "Татар-информ", "Хезмәткә дан", Айгөл Хөсәенова). Баулы районы “Берлек” хуҗалыгының бодай басуына зыян килгән. Былтыр көздән дә дымга туенмаган уҗым культуралары язгы салкыннарга бирешкән. Бу турыда җирле басма хәбәр итә.

-Технологик яктан карасаң, үсентедә бернинди технологик бозым юк, – ди “Россельхоцентр" филиалының Баулы районы бүлеге начальнигы Әнвәр Фәттахов. – Орлык тиешле агу белән агуланган. 4-5 сантиметр тирәнлеккә чәчелгән. Төп сәбәбе – көзге корылык. Аз гына тишелеп чыккач та корылык башланды. Бу үсентеләр көздән кипкән.

“Берлек” хуҗалыгы агрономы Мөхәммәт Моратхуҗин сүзләренә караганда, көздән хуҗалыкта 900 гектарда уҗым культуралары чәчелгән. Шуның 500ен арыш һәм 400ен көзге бодай тәшкил итә.

– Бүгенге көндә уртача 204 гектарда гына уҗым канәгатьләнерлек хәлдә, – ди агроном. – Хәзер инде зыян күргән уҗымнар урынына бүтән язгы культуралар чәчәсе кала. Бу хуҗалыкка өстәмә эш тудырды.

Үсемлекчелек бүлеге белгечләре алдагы көннәрдә барлык хуҗалыклар басуларын тикшереп, карап чыгып, авыл хуҗалыгы министрлыгына мәгълүмат җибәреп торачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10