ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Спорт

“Зенит” волейболчылары Суперлиганың финал этабына узды

25 апрель 2019, 18:43 , Фото: архив/Ильнар Тухбатов

“Зенит” волейболчылары Суперлиганың финал этабына узды
"Зенит" - "Факел" сериясенең ике уенында да Казан волейболчылары җиңде.

(Казан, 25 апрель, “Татар-информ”, Гөлия Хәсбиуллина). Бүген Казанның “Зенит” волейбол командасы, Суперлиганың ярымфинал этабының икенче уенында җиңеп, финалга чыкты. Әлеге матчта Казан волейболчылары Яңа Уренгойның “Факел" командасы белән көч сынашты. Уен Яңа Уренгойда узды.

  • Суперлига - волейбол буенча Россия чемпионаты. Әлеге чемпионатның ярымфинал этабына Казанның "Зенит"ы, Санкт-Петербург "Зенит"ы, Яңа Уренгойның "Факел"ы һәм Кемероводан "Кузбасс" командасы чыккан иде.

Ярымфиналның беренче "Зенит" - "Факел" уенында Казан волейболчылары өч сетта да өстенлек алып җиңгән иде. Ярымфиналның икенче уенында да "Зенит" өч сетта да җиңде.

Беренче сетта Казанның “Зенит”ы 9 очкога өстен чыкты: 0-1 (16:25).

Икенче сетта да “Зенит” волейболчылары отты: 0-2 (23:25).

Өченче сетта һәм гомуми исәп буенча "Зенит" җиңде: 0-3 (23:25).

"Зенит" волейбол командасының старт составы: Мэтью Андерсон, Максим Михайлов, Артём Вольвич, Алексей Самойленко, Александр Бутько, Эрвин Нгапет, Алексей Вербов, Валентин Кротков. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10