ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Мәдәният

Уфада Мостай Кәримнең 100 еллыгына багышланган балалар конкурсы җиңүчеләрен бүләкләячәкләр

25 апрель 2019, 20:52

26 апрель көнне Әхмәт-Зәки Вәлиди исемендәге милли китапханәдә «Күңелем кылллары чыңлый» республика әдәби конкурсында җиңүчеләрне бүләклиләр.

(Казан, 25 апрель, «Татар-информ»). 26 апрель көнне Әхмәт-Зәки Вәлиди исемендәге милли китапханәдә «Күңелем кылллары чыңлый» республика әдәби конкурсында җиңүчеләрне бүләкләү тантанасы узачак. Конкурс Башкортстанның халык шагыйре Мостай Кәримнең тууына 100 ел тулуга багышланган һәм анда катлаулы тормыш хәлендә калган балалар һәм яшүсмерләр катнаша. Бу хакта «Башинформ» хәбәр итә.

Республика әдәби конкурсына 70тән артык эш: традицион шигырь формалары һәм кече прозаик әсәрләр (проза, эссе, хикәяләр), шулай ук музыкаль әсәрләр (җырлар, романслар) кабул ителде. Алар ирекле сайлау буенча рус, башкорт, татар телләрендә булды.

«Проза» һәм «Поэзия» номинацияләрендә ике яшь төркеме буенча балалар йортларында, коррекция мәктәпләрендә, республиканың социаль приютларында тәрбияләнүче 30 катнашучы җиңү яулады. Чарада барлыгы 200 кеше катнашты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10