ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Хәвеф-хәтәр

Башкортстанда җиңел автомобиль маршрут автобусы белән бәрелешү нәтиҗәсендә бер кеше үлгән

26 апрель 2019, 09:43

Авария кичә Белорет районында Белорецк-Ломовка автомобиль юлының икенче чакрымында булган.

(Казан, 26 апрель, «Татар-информ»). Башкортстанда тукталышта пассажирларны төшергән вакытта җиңел автомобиль маршрут автобусына килеп бәрелгән. Нәтиҗәдә, бер кеше үлгән, тагын берсе төрле тән җәрәхәтләре алган. Бу хакта РИА Новости агентлыгы Башкортстан Республикасы Эчке эшләр министрлыгының ЮХИДИ идарәсе башлыгы Динар Гыйльметдиновка сылтама белән хәбәр итә.

Ул китергән мәгълүматлар буенча, авария кичә Белорет районында Белорецк-Ломовка автомобиль юлының икенче чакрымында булган. «ВАЗ-2112 автомобилен идарә итүче 37 яшьлек ир-ат, Белорецк ягыннан хәрәкәт иткән вакытта, паcсажирларын төшерү өчен туктаган «Газель» автобусына килеп бәрелгән.

Нәтиҗәдә, җиңел машина шоферы шунда ук һәлак булган. Авариядә шулай ук автобустагы биш пассажирның берсе зыян күргән», - дип искәрткән Башкортстан Дәүләт автоинспекциясе башлыгы һәм әлеге уңайдан тикшерү эшләре башлануы хакында хәбәр иткән.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10