ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Дин

Теләчедә "Намаз уку" бәйгесе дүрт номинациядә узды

7 май 2019, 02:00 , Фото: Фәнил Гаязов

Теләчедә Бәйгедә актив катнашкан өч балага районның имам-мөхтәсибе Коръән китабын бүләк итте.

(Теләче, 7 май, "Татар-информ", "Теләче-информ", Фәнил Нигъмәтҗанов). 5 май көнне Теләче авылының “Ихлас” мәчетендә укучы балалар арасында Намаз уку бәйгесе үткәрелде. Район мөхтәсибәте тарафыннан үткәрелгән традицион бәйгедә малайлар һәм кызлар дүрт номинациядә көч сынаштылар. Бу турыда җирле басма хәбәр итә.

Россия Ислам Университеты студентлары, “Яшьләр бистәсе” уку проекты вәкилләре Серих Сундетов (Казахстан), Эльчин Баладзе (Әзербайҗан), теләчелеләр, Россия Ислам Университеты студенты Алинә Гафурова, Казан федераль унинверситеты студенты Эльвира Хәкимова һәм Теләче урта мәктәбе укучысы Язгөл Зарипова хөкемдарлык иткән

Бәйгедә йөзгә якын мәктәпкәчә яшьтәге балалар, укучы балалар, әти-әниләр һәм авыл имамнары катнашты. Алар 1-2, 3-4, 5-6 һәм 8-9 сыйныф аралыкларына бүленгән хәлдә үзләренең белемнәрен күрсәттеләр.

Моннан тыш, чара барышында алар өчен гомуми викторина да үткәрелде. Азактан алдынгы урыннарга чыккан укучыларга Мактау грамоталары һәм катнашучыларга иганәчеләр тарафыннан әзерләнгән күчтәнәчләр таратылды.

Бәйгедә актив катнашкан өч балага районның имам-мөхтәсибе, республиканың Төньяк төбәге казые Исмәгыйль хәзрәт Фәләхиев тарафыннан Коръән китабы бүләк ителде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10