ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Дәүләт хезмәтләре порталы аша ташламалы авиабилетлар сатып алып булачак

14 май 2019, 19:10

Россия Транспорт министрлыгында ташламалы билетларны Федераль портал аша броньларга һәм сатып алырга мөмкинлек бирүче система булдыру карала.

(Казан, 14 май, «Татар-информ»). Россия Транспорт министрлыгы, авиакомпанияләр белән берлектә, Дәүләт хезмәтләре порталы аша субсидияләнүче маршрутларга ташламалы авиабилетлар броньлау һәм сатып алу мөмкинлеге бирә торган система булдыру турында фикер алыша. Бу хакта «Известия»яза.

Беренче чиратта сүз Мәскәүдән ерак көнчыгыш төбәкләргә, Кырым, Калининград маршрутларына һәм төбәкара рейсларга билетлар броньлау турында бара.

Системаны булдыру өчен федераль авиация кагыйдәләренең 45 пунктына үзгәрешләр кертергә кирәк булачак. Хәзер ташламалы категория гражданнарга билетларны авиакомпания яки вәкаләтле агентлыклар кассаларында гына сатып алырга мөмкин.

Федераль ведомство мәгълүматларына караганда, «Урал авиалинияләре», Utair, «Азимут» авиакомпанияләре пассажирлар өчен үз хезмәтләре спектрын киңәйтергә әзер.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10