ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Әгерҗенең Кадыбаш мәдәният һәм социаль хезмәткәрләре өлкәннәр өчен ял оештырган

19 май 2019, 03:00 , Фото: agryz-rt.ru/

Әгерҗенең Кадыбаш мәдәният һәм социаль хезмәткәрләре өлкәннәр өчен ял оештырган Өлкәннәр киләсе елда да очрашырга сүз куешып таралышкан.

(Әгерҗе, 19 май, "Татар-информ", "Әгерҗе хәбәрләре"). Әгерҗе районы Кадыбаш авылы мәдәният хезмәткәрләре Алсу Ситбатова һәм Фәридә Каюмова, Кадыбаш авыл җирлегенең социаль хезмәткәрләре өлкәннәр, инвалидлар өчен Көтмәс елгасы буена поход оештырган. Бу турыда район басмасы хәбәр итә.

Мондый чараны алар икенче ел рәттән уздыралар инде. Көтмәс тугаенда шомыртлар, алмагачлар ап-ак шау чәчәккә төренгәч, табигатьнең матурлыгы белән хозурланырга, күңел ачарга төшәләр. Гөлнара Гафарова, Фәридә Каюмова учакта тәмле уха пешереп, хуш исле чәй кайнаткан. 

Фәридә Каюмова китапханәгә яңа кайткан матбугатка күзәтү ясады. Нәтиҗәдә, китапханәгә ике яңа китап укучы язылган һәм 12 данә китап укырга бирелгән. Өлкәннәр бу чарадан бик канәгать булып, киләсе елларга да шулай очрашырга язсын дип таралышкан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10