ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Авыл, Хәвеф-хәтәр

Азнакайда урлау очраклары ешайган

19 май 2019, 06:00 , Фото: архив/Рамиль Гали

Азнакайда урлау очраклары ешайган Умарта, тәкәләр, кесә телефоны һ.б. урлау очраклары теркәлгән.

(Азнакай, 19 май, "Татар-информ", "Маяк", Тансылу Саниева). Узган атнада район эчке эшләр бүлегенең кизү частена азнакайлылардан урлау очраклары буенча 178 гариза кергән. Бу турыда район басмасы хәбәр итә.

7 май көнне Югары Стәрледә гомер итүче бер ханым хокук сакчыларына мөрәҗәгать итеп, йортыннан ашамлыклар һәм башка әйберләр урлап чыгулары турында гариза яза. Тикшерү барышында бер җирдә дә эшләмәүче, даими рәвештә спиртлы эчемлекләр кулланучы ир кеше кулга алына.

Загорье бистәсеннән берәүнең абзарыннан өч тәкәсен урлап чыгып китәләр. Хуҗага 15 мең сумлык матди зыян килә. Җинаятьчене эзләү эшләре бара.

Яшьләү урманыннан 10 мең сумлык ике оя умарта урлау очрагы буенча да тикшерү дәвам итә.

30 апрельдән 7 майга кадәр вакыт аралыгында берәү Карамалы авылы янәшәсендәге су куу станциясеннән тимер ишек, 40 данә багана һәм башка әйберләр урлый.

Бәйрәм чорында азнакайлы телефонын урлаулары турында гариза яза. Тикшерү барышында билгесез затларның 9 майда кичке якта каза күрүчегә сугып, аның кесә телефонын тартып алулары ачыклана.

Оператив-эзләү чаралары барышында җинаятьчеләрне эзләү бүлеге хезмәткәрләре 2018 елда “Спутник” гаражлар ширкәтен “чистарткан” Тымытык кешесен кулга алалар. Моңа кадәр дә суд каршында җавап тоткан ир кеше гаебен тулысынча таный.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10