ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Спорт

Апасның район газетасы кубогына һәм призларына эстафета үткәрелде

19 май 2019, 07:00 , Фото: apastovo.ru/

Апасның район газетасы кубогына һәм призларына эстафета үткәрелде Җиңүчеләргә “Йолдыз”ның баш мөхәррире Гүзәл Хилавиева күбок, грамота һәм бүләкләр тапшырды.

(Апас, 19 май, "Татар-информ", "Апастово-информ"). Апасның “Йолдыз” газетасы кубогы һәм призларына җиңел атлетика буенча традицион эстафета узды. Ул Бөек Җиңүнең 74 еллыгына һәм “Йолдыз” газетасының 87 еллыгына багышланган һәм Матбугат көне уңаеннан оештырылган иде.Бу турыда район басмасы хәбәр итә.

Биредә урта гомумбелем бирү мәктәпләре һәм төп гомумбелем бирү мәктәпләре командалары катнашты.

Тантанада район башкарма комитеты җитәкчесе урынбасары Луиза Сафина, район мәгариф бүлеге, балалар һәм яшүсмерләрнең спорт мәктәбе вәкилләре катнашты. Алар ярышта катнашучыларга уңышлар теләделәр.

Шулай ук ярышның имин һәм оешкан төстә узуы өчен район үзәк хастаханәсе, район мәдәният йорты, гадәттән тыш хәлләр бүлеге хезмәткәрләренең өлеше керде. Апас мәктәбе коллективы тәмле коймаклар, кайнар чәй белән сыйлады.

Эстафетаның баш хөкемдары Рәмис Гыйззәтов бу чараны оештыруда 26 ел катнаша. Ул быел да командаларны каршы алып, үзенең киңәшләрен бирде.

Урта мәктәпләр арасында 1 урында – Каратун, 2 урында – Табар Черкене, 3 урында - Апас мәктәбе командалары.Тугызьеллык мәктәпләр арасында беренчелек Борнаш мәктәбе кулында. 2 урында – Биеш, 3 урында – Чирмешән мәктәпләре.

Җиңүчеләргә “Йолдыз”ның баш мөхәррире Гүзәл Хилавиева күбок, грамота һәм бүләкләр тапшырды. Бүләкләрнең иганәче – Ринат Миначев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10