ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Казанда сәламәтлек мөмкинлекләре чикле балалар өчен 51 БДИ тапшыру пункты ачыла

20 май 2019, 11:52

Татарстан башкаласында барлыгы 131 имтихан тапшыру пункты эшләячәк.

(Казан, 20 май, «Татар-информ»). Казанда Бердәм дәүләт имтиханын тапшыру өчен 131 пункт (шуларның 51е – сәламәтлек мөмкинлекләре чикле балалар өчен) ачылачак. Мәгариф идарәсе башлыгы Илнар Һидиятов ТР башкаласы мэриясендә узган эшлекле дүшәмбе киңәшмәсендә шул хакта хәбәр итте.

«Дәүләт йомгаклау аттестациясендә 17 меңгә якын укучы катнашачак. Барлыгы 131 пункт, шул исәптән сәламәтлек мөмкинлекләре чикле балалар өчен 51 пункт әзерләнде. Барлык пунктлар да Мәгариф өлкәсендә күзәтчелек департаменты тарафыннан оештырылган тикшерүне узды», - диде спикер.

Ул шулай ук имтиханнарда барлык куркынычсызлык таләпләре исәпкә алынуын әйтте. Моннан тыш, БДИ тапшырган вакытта закон бозу очракларына юл куймас өчен мөмкин булган барлык чаралар да күрелгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10