ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Дин

Татарстан мөхтәсибәтләрендә ифтарлар уздыру дәвам итә

20 май 2019, 13:27

Программада мөнәҗәтләр уку, вәгазьләр сөйләү, викториналар каралган, балалар өчен батут, баллы мамык булачак.

(Казан, 20 май, "Татар-информ"). Бүген, Рамазан аеның 15 нче көнендә, Арча мөхтәсибәте "Зур парк ифтары" дип исемләнгән чара уздырачак. Әлеге чара кичке җидедә шәһәрнең Җиңү паркында оештырылачак. Бу хакта ТР Диния нәзарәтенең матбугат хезмәте хәбәр итә. 

Программада мөнәҗәтләр уку, вәгазьләр сөйләү, викториналар каралган, балалар өчен батут, баллы мамык булачак. Арча башкарма комитетының яшьләр эшләре һәм спорт бүлеге белән бергәлектә оештырылачак чарада йөзгә якын кешенең катнашуы көтелә.

Районкүләм ифтар бүген шулай ук Алексеевск мөхтәсибәтендә уза. 120 кешегә исәпләнгән авыз ачу мәҗлесен ОАО "Алексеевскдорстрой" директорлар советы рәисе Фоат Вәлиев үз исеменнән үткәрә. Әлеге чарага барлык имамнар, мөселман эшлеклеләре, мохтаҗлар чакырылган. Моннан тыш, Алексеевск районында зур ифтар Биләр һәм Урта Тигәнәле авылында оештырыла. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10