ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Мәдәният

Әгерҗе гармунчылары Саратовны яулады

20 май 2019, 23:00 , Фото: agryz-rt.ru

Әгерҗе гармунчылары Саратовны яулады Бәйгедә Әгерҗе гармунчылары һәм Менделеевның “Шаян“ бию коллективы гына чыгыш ясау хокукына ия булды.

(Әгерҗе, 20 май, “Татар-информ“, "Әгерҗе хәбәрләре", Миләүшә Ягъфәрова). Әгерҗе районының Марат Муллахмәтов җитәкчелегендәге данлыклы “Көмеш телле гармун“ халык ансамбле әле кичә генә Саратовтан җиңү белән кайтты. Бу турыда җирле басма хәбәр итә.

Киңкүләмле бәйгедә безнең республикадан нибары ике коллектив – Әгерҗе гармунчылары һәм Менделеевның “Шаян“ бию коллективы гына чыгыш ясау хокукына ия булды. Фестивальдә Россиянең 19 төбәгеннән 60 коллектив катнашты.

Бәйге барган көннәрдә аны оештыручылар төрле номинацияләрдә тавыш бирү буенча да урыннар билгеләделәр. Тавыш бирүгә бер тәүлек вакыт бирелде. “Халык номинациясе“ндә уртак тырышлык белән 781 тавыш җыеп, беренче урынга чыкканнар. Әлеге җиңү өчен коллектив Диплом белән бүләкләнгән.
 

Фестиваль-бәйгедә сәхнә осталары “Халык музыкасы“, “Халык җыры“, “Халык биюе“, “Традицион мәдәният“ номинацияләре буенча сынау тоталар. Әгерҗе гармунчылары, “Халык музыкасы“ номинациясендә чыгыш ясап, “Халыклар дуслыгы“, “Авыл көйләре“, милли бәйрәм Сабан туе җырларыннан тезмәләрне гармун, барабан, курай, сыбызгы, бубен, шалтыравыклар ярдәмендә башкаралар.

Ә нәтиҗәгә килгәндә, гармунчылар ансамбле икенче урынга лаек була. Коллектив җитәкчесе Марат Муллахмәтов оештыручылар кулыннан икенче дәрәҗә Диплом ала.
 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10