ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Авыл

Түбән Камада язгы чәчү 99 процентка төгәлләнгән

23 май 2019, 04:00 , Фото: tat.e-nkama.ru/news/755/76267/

Түбән Камада язгы чәчү 99 процентка төгәлләнгән Быел чәчү эшләре 51 мең гектарда башкарылган.

(Казан, 23 май, "Татар-информ"). Түбән Кама районында язгы кыр эшләре 98,6 процентка төгәлләнде. Хәзер карабодай чәчәсе, бәрәңге һәм башка яшелчәләрне утыртасы калган. Бу турыда Түбән Кама муниципаль районы рәсми сайтында хәбәр ителә.

Быел чәчү эшләре 51 мең гектарда башкарылган, аларда бөртеклеләр, кукуруз, азык культуралары, шикәр чөгендере һ. б. чәчелгән.

 

Карның озак ятуы, кырау төшү уҗым культураларның өлешчә өшүенә китергән, шуңа күрә Түбән Кама аграрийлары яз көне бөртекле культураларны өстәмә рәвештә чәчтеләр.

 

Көзгә 42 мең тонна ашлык җыеп алу, 15 500 тонна печән, 52 930 тонна силос һәм 50 560 тонна сенаж әзерләү планлаштырыла.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10