ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Икътисад

Түбән Камада кече һәм урта эшмәкәрлек мәсьәләләренә багышланган форум булды

24 май 2019, 22:00 , Фото: tat.e-nkama.ru/

Түбән Камада кече һәм урта эшмәкәрлек мәсьәләләренә багышланган форум булды Бизнесменнар Түбән Кама эшмәкәрлеккә ярдәм итү һәм үстерү үзәге эшчәнлеге белән танышты.

(Казан, 24 май, "Татар-информ"). Түбән Камада кече һәм урта эшмәкәрлек мәсьәләләренә багышланган форум булды. Бу турыда Түбән Кама муниципаль районы рәсми сайтында хәбәр ителә.

Анда Татарстан икътисад министры урынбасары Рөстәм Сибгатуллин, "Корпорация" МСП" АҖ дирекциясе җитәкчесе урынбасары Ольга Пискунова, ТР Гарантия фонды директоры Тимур Тимергалиев, 120 дән артык эшкуар катнашты.

Бизнесменнар Түбән Кама эшмәкәрлеккә ярдәм итү һәм үстерү үзәге эшчәнлеге белән танышты, биредә эшкуарларга ярдәм чаралары, әйтик, моношәһәрләргә ярдәм итү буенча федераль программа кысаларында ташламалы кредит алу мөмкинлекләре турында сөйләделәр.

"Узган ел Түбән Кама муниципаль районы һәм "Ак барс" банкы, ВТБ, "Газпромбанк", "Россельхозбанк", "Саклык банкы" һәм ТР Эшмәкәрлеккә ярдәм фонды арасында хезмәттәшлек турында килешүләр имзаланды, - дип аңлатты Түбән Кама муниципаль районы башкарма комитеты җитәкчесе урынбасары Радмир Беляев.

- Максат - "Түбән Кама" алгарышлы социаль-икътисадый үсеш территориясе резидентларына ярдәм итү өлкәсендә индивидуаль якын килүне билгеләү, хезмәттәшлек һәм мөнәсәбәтләр урнаштыру".
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10