ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Мөхәммәтшин: Кешеләрнең «Бердәм Россия» праймеризына карата кызыксынуы югары

26 май 2019, 10:43 , Фото: Михаил Захаров/архив

Мөхәммәтшин: Кешеләрнең «Бердәм Россия» праймеризына карата кызыксынуы югары 9.30 сәгатькә Казанның 116нчы лицеенда оештырылган участокта 40тан артык кеше «Бердәм Россия» праймеризында үз фикерен белдерде.

(Казан, 26 май, «Татар-информ», Наталья Рыбакова). ТР Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин «Бердәм Россия» праймеризында катнашу өчен Казанның 116нчы лицеенда оештырылган участокка килде.

«Тавыш бирү иртәнге сигездә оешкан төстә башланды. Планлаштырылган барлык сайлау участоклары да ачык. Сайлаучыларның алдан тавыш бирүгә карата кызыксынуы шактый югары. 9.30 сәгатькә әлеге сайлау участогына 40тан артык кеше килеп үз фикерен белдерде», - диде Фәрит Мөхәммәтшин участокта журналистлар белән аралашкан вакытта.

Бүген барлыгы 460 участок оештырылган, аларда участок комиссияләренең 1909 әгъзасы эшли. Һәр сайлаучы бюллетеньдә күрсәтелгән берьюлы берничә кандидатка тавыш бирә ала.

«Бердәм Россия» Бөтенроссия сәяси партиясенең Татарстан төбәк бүлеге праймеризында 222 кандидат катнаша, аларның һәр дүртенчесе партия әгъзасы түгел.

Барлык кандидатлар да киң колачлы мәгълүмати-агитация эшен оештырды: сайлаучылар белән 400дән артык очрашу үткәрде, эш шул исәптән яңа форматта дискуссион һәм стратегик сессияләрдә дә барды. Шулай ук дебатлар үткәрү өчен 200 мәйданчык оештырылды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10