ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Хәвеф-хәтәр

Казан янында өч машина бәрелешү нәтиҗәсендә өч яшьлек баланың гомере өзелгән

27 май 2019, 09:37 , Фото: ГУ МЧС России по РТ

Казан янында өч машина бәрелешү нәтиҗәсендә өч яшьлек баланың гомере өзелгән Яңа Николаевка бистәсе янында «Ниссан», «Шевроле» һәм «Лада» автомобильләре бәрелешкән.

(Казан, 27 май, «Татар-информ»). Казан янында өч машина бәрелешү нәтиҗәсендә өч яшьлек баланың гомере өзелгән. Бу хакта «Татар-информ» агентлыгына ТР буенча Эчке эшләр министрлыгыннан хәбәр иттеләр.

Юл-транспорт һәлакәте кичә кич Яшел Үзән районында әйләнеч юлда булган. Яңа Николаевка бистәсе янында «Ниссан», «Шевроле» һәм «Лада» автомобильләре бәрелешкән.

«Авариядә алты яшьлек бала үлгән. Тагын өч кеше төрле тән җәрәхәтләре алган», - дип хәбәр иттеләр ТР буенча Эчке эшләр министрлыгыннан.

Юл һәлакәтенең нечкәлекләре ачыклана. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10