ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Татар дөньясы

Казанда шагыйрә Наилә Ахунованың юбилей кичәсе була

10 июнь 2019, 10:43 , Фото: Рамиль Гали

Казанда шагыйрә Наилә Ахунованың юбилей кичәсе була Чарада шагыйрәнең шигырьләре, җырлары яңгыраячак, спектакльләрдән өзекләр куелачак.

(Казан, 10 июнь, “Татар-информ”, Зилә Мөбәрәкшина). 12 июнь көнне Казанда Е.А.Боратынский музее бинасында татар язучысы Гариф Ахуновның кызы – шагыйрә Наилә Ахунованың “Заметки на полях шляпы” дип исемләнгән 60 яшьлек юбилей кичәсе булачак. Бу хакта ул үзе “Татар-информ” хәбәрчесенә сөйләде.

Иҗат кичәсендә шагыйрәнең шигырьләре, җырлары яңгыраячак. Яшел Үзәннән “Алпар” балалар театраль студиясе балалар өчен “Здравствуй, ежик”, “Сами с усами” дигән спектакльләрдән  өзекләр сәхнәләштерәчәк. “Балалар миңа бүләк ясыйбыз, диде. Түземсезлек белән көтәм”, - диде шагыйрә.

Наилә Ахунова балалар өчен язган спектакльләрен Самара, Саранск, Оренбург, Смоленск, Мәскәү шәһәрләрендә һәм Белорусиядә уңышлы куелганын әйтте. “Пьесаларны күбесенчә дуслык темасына багышлап язам. Кичәдә татар һәм рус телләрендә җырлар да булачак”, - ди ул.

“Гариф Ахунов исемендәге мин җитәкләгән әдәби берләшмәдән укучыларым чыгыш ясаячак. Кичәмә иҗатташ дусларымны, якыннарымны көтеп калам”, - дип сөйләде Наилә Ахунова.

  • Наилә Ахунованың иҗат кичәсе Татарстанның Мәдәният министрлыгы, Язучылар берлеге, Милли музей ярдәме белән оештырыла.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10