ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Татар дөньясы

Анталиядә Сабан туй көне үзгәрде

10 июнь 2019, 16:38 , Фото: архив/Рамиль Гали

Анталиядә Сабан туй көне үзгәрде Милли бәйрәмгә Татарстаннан танылган артистлар чакырылган.

(Казан, 10 июнь, “Татар-информ”, Зилә Мөбәрәкшина). Анталиядә II Халыкара Сабан туе көне үзгәрде. Бу хакта “Татар-информ” хәбәрчесенә “Анталия татарлары” оешмасы вәкиле Оксана Назарова сөйләде.

“Анталия татарлары” тарафыннан оештырылачак Сабан туен 21 июньдә үтәчәк дип язган идек. “Милли бәйрәмнең үткәрелү көненә үзгәрешләр кертелде, ул 23 июньдә 18:00 сәгатьтә LEMON PARK HOUSE территориясендә булачак”, - диде Оксана Назарова.

“Үзәк мәйданда татар һәм башкорт артистлары чыгыш ясаячак. “Нурзадә, Илгиз Шәйхразиев, Гүзәл Уразова кебек танылган җырчылар, артистлар чакырылган. Яшел зонада тегү һәм чигү осталары мастер-класс күрсәтәчәк”, - диде җитәкче.

Узган ел Сабантуйда 300 кеше катнашты. "Быел бу сан тагын да артыр дип өметләнәбез, шулай ук чит илдән дә кунаклар киләчәк”, - диде Оксана Назарова.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10