ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Икътисад

Калдыклар белән эш итүче операторларны өстәмә салымнан азат итүләре ихтимал

10 июнь 2019, 21:52

Татарстанда чүп-чар белән ике компания: Көнчыгыш зонасы буенча «Гринт» һәм Көнбатыш зонасы буенча«ПЖКХ» идарә компаниясе шөгыльләнә.

(Казан, 10 июнь, «Татар-информ», Динара Прокопьева). Хөкүмәт калдыклар белән эш итә торган төбәк операторлары өчен өстәмә кыйммәткә салымның (НДС) ноль-ставкасын тәкъдим итте. Бу хакта «Татар-информ» мәгълүмат агентлыгы корреспондентына Татарстаннан Россия Дәүләт Думасы депутаты Айрат Фәррахов сөйләде.

«Дәүләт Думасының бюджет һәм салымнар комитеты Салым кодексының 149 маддәсенә үзгәрешләр кертү турындагы Федераль закон проектын карады. Анда калдыклар белән эш итүнең яңа схемасы буенча эшләүче төбәк операторларын өстәмә кыйммәткә салымнан азат итәргә тәкъдим ителде. Ягъни өстәмә кыйммәткә салым ноль-ставкада билгеләргә тәкъдим ителә», — диде парламентарий.

Моннан тыш, Россия Хөкүмәте төбәкләргә субьект бюджетына күчерелә торган табышына салым буенча ноль-ставка билгеләү хокукын бирергә тәкъдим итте.

Фәррахов сүзләренчә, яңалык каты көнкүреш калдыкларын чыгаруга тарифлар үсешен тоткарларга ярдәм итәчәк һәм калдыклар белән эш итү буенча яңа схемалар өчен уңай шартлар тудырачак. Ул бу ел башыннан старт алды.

Төбәк операторлары — 2019 елның 1 гыйнварыннан, чүп мичкәләреннән калдыклар җыю һәм аларны эшкәртүгә һәм утильләштерүгә чыгару белән шөгыльләнер өчен, төбәкләр сайлап алган компанияләр. Татарстанда чүп-чар белән ике компания: Көнчыгыш зонасы буенча «Гринт» һәм Көнбатыш зонасы буенча«ПЖКХ» идарә компаниясе шөгыльләнә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10