ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Рәсми Татарстан

Талия Миңнуллина "Кечкенә Токио" торак комплексында бәяләр кулай булачагын әйтте

11 июнь 2019, 12:45 , Фото: архив

Талия Миңнуллина Әлеге проект Япония инвесторлары тарафыннан 2024 елда төзелеп бетәчәк.

(Казан, 11 июнь, "Татар-информ", Зилə Мөбəрəкшина). Татарстан Инвестицион үсеш агентлыгы җитәкчесе Талия Миңнуллина Казанда төзеләчәк “Кечкенә Токио” (“Маленький Токио”)  торак комплексында бәяләр “кулай” булачагын әйтте. Бу хакта ул Хөкүмəт йотында узган брифингта сөйлəде.

“Ул йортлар сыйфатлы, яхшы эшкәртелгән, яшәү өчен әзер булачак. Японнар бик сыйфатлы ясый, гарантиясе ун ел. Мондый торакның бәясе безнең халык өчен кулай булыр дип уйлыйм”, – диде ул.

Талия Миңнуллина йортларның бәяләре гади халык өчен нормаль булуын белдерде. “Йортлар (шәхси) төзү турында сүз барганда, уннарча миллион сум булыр кебек тоела. Һәр кеше дә мондый бәягә сатып ала алмас иде. Биредә бәяләр ягыннан халык өчен нормаль булыр”, - диде ул.

Талия Минуллина йортларның төгәл бәясен әйтмәде, әмма аның Казан үзәгендә ике бүлмәле фатир бәясеннән түбән булачагына басым ясады.

  • Совет районындагы 180 аз катлы йорттан торган торак комплексы “Ида Санге Рус” Япония компаниясе тарафыннан 2024 елга сафка бастырылачак. Инвестицияләр күләме якынча 1,4 млрд сум тәшкил итәчәк.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10