ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Җәмгыять

Казандагы симпозиумда Алтын Урда тарихы турында 20дән артык доклад укылачак

13 июнь 2019, 11:52

Алтын Урданың 750 еллыгына багышланган «Алтын Урда тарихы һәм мәдәнияте» Халыкара фәнни симпозиумы 15 июньгә кадәр дәвам итәчәк.

(Казан, 13 июнь, «Татар-информ»). Казанда Алтын Урданың 750 еллыгына багышланган «Алтын Урда тарихы һәм мәдәнияте» I Халыкара фәнни симпозиумында белгечләр монгол-татар цивилизациясе тарихы турында 20дән артык доклад укыячак. Симпозиум 15 июньгә кадәр дәвам итәчәк, дип хәбәр итә оештыручылар.

«Симпозиум кысаларында 5 секция эшләячәк, аларда Алтын Урда археологиясе, Җүчи Олысының этносәяси тарихына бәйле һ.б. проблемалар хакында фикер алышачаклар. Симпозиумда Россия һәм чит ил белгечләре Алтын Урда тарихы буенча 20дән артык доклад укыячак», - диелә хәбәрдә.

«Алтын урда тарихы һәм мәдәнияте» симпозиумы – Алтын Урда тематикасын тикшерүчеләр фәнни тормышындагы зур вакыйга. Ул КФУ, ТР Фәннәр академиясе һәм Төркия Республикасының Истанбул дәүләт университеты арасындагы хезмәттәшлек турындагы килешү кысаларында үткәрелә.

Симпозиум уздыруның инициаторлары һәм оештыручылары – Төркия тарих җәмгыяте, Казан федераль университеты һәм Татарстан Фәннәр академиясе.

  • Алтын Урда (Җүчи Олысы) – Евразиядәге зур дәүләт берләшмәсе, урта гасыр цивилизациясенең мөһим үзәкләреннән берсе.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10