ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада яшәүче хатын һәм аның өч баласы Оренбург өлкәсендә авариягә очраган

15 июнь 2019, 12:02

32 яшьлек хатын һәм аның өч кызы (13, 10 һәм 7 яшьлекләр) төрле тән җәрәхәтләре алган.

(Казан, 15 июнь, «Татар-информ»). Түбән Камада яшәүче хатын һәм аның кечкенә өч кызы Оренбург өлкәсендә юл һәлакәтенә очраган. Бу хакта «Татар-информ»га Россия Эчке эшләр министрлыгының «Богырыслан» муниципальара бүлеге ЮХИДИ хезмәте хәбәр итте.

«Бүген Оренбург өлкәсенең Богырыслан һәм Бузылык районнары чигендә юл-транспорт һәлакәте турындагы хәбәр 7 сәгать 30 минут тирәсендә килде. Башлангыч мәгълүматлар буенча, «Лада Калина» автомобиле юл кырыена төшеп киткән һәм капланган», – диделәр ЮХИДИдә.

Авариядә җиңел машина пассажиры - Түбән Камада яшәүче 32 яшьлек хатын һәм аның өч кызы (13, 10 һәм 7 яшьлекләр) төрле тән җәрәхәтләре алган. Зыян күрүчеләрне хастаханәгә озатканнар. Машина белән бу хатынның абыйсы идарә иткән, ул зыян күрмәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10