ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Роспотребнадзор авиарейс тоткарланганда нәрсә таләп итеп булуын аңлатты

15 июнь 2019, 17:29 , Фото: Михаил Захаров

Роспотребнадзор авиарейс тоткарланганда нәрсә таләп итеп булуын аңлатты Расписание үзгәргән очракта пассажирга бу хакта теләсә нинди үтемле ысул белән хәбәр ителергә тиеш.

(Казан, 15 июнь, «Татар-информ»). Элемтә, мәгълүмати технологияләр һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) авиарейсны туктатып тору, гамәлдән чыгару, тоткарлау яки күчерү вакытында, нинди хезмәтләр белән мөрәҗәгать итә алуы турында аңлатты. Тиешле тәкъдимнәр ведомство сайтында урнаштырылган. Бу турыда РИА Новости хәбәр итте.

Гомуми кагыйдәләр нигезендә, пассажирны җибәрүне тоткарлаган, самолетны җибәрүне тоткарлаган яки самолет килү соңарган очракта, ташучы оешма пассажирга штраф түли. Бу тоткарлыклар яки соңга калулар ташучы оешмага бәйле булмаганлыгын раслый алмаган очракта була. Расписание үзгәргәндә пассажирга бу хакта теләсә нинди үтемле ысул белән хәбәр ителергә тиеш.

Роскомнадзор шулай ук тәнәфесләр, тоткарлыклар, ташучы гаебе белән маршрутны үзгәртү, рейс гамәлдән чыгарылу очрагында, пассажирларга җибәрү пунктларында һәм арадаш пунктларда берничә төрле хезмәт күрсәтелергә тиеш, дип искәртә.

Җиде яшькә кадәрге баласы булган пассажирга ана һәм бала бүлмәсен бирү, рейсны ике сәгатьтән артык көткән вакытта ике телефон шалтыратуы яки ике электрон почта буенча хәбәр җибәрү каралган.

Шулай ук ике сәгатьтән артык вакыт узганда эчемлек белән, рейс җибәрүне көтү дүрт сәгатьтән артса кайнар ризык белән тәэмин ителә. Алга таба һәр алты сәгать саен - көндез һәм һәр сигез сәгать саен төнлә кабатлана. Рейсны көтү көндез сигез сәгатьтән, төнлә алты сәгатьтән артканда пассажир кунакханәгә урнаштырыла.

Шундый очракларда транспорт белән аэропорттан кунакханәгә кадәр һәм кире кунакханәдән аэропортка кадәр транспорт белән тәэмин ителә. Кунакханә өстәмә түләмичә бирелә торган очракларда, багажны саклау оештырылу каралган, диелә хәбәрдә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10