ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Мәдәният

Уфада композитор Светлана Шаһиәхмәтованың юбилей концерты узачак

17 июнь 2019, 16:44

Светлана Шаһиәхмәтова Башкортстанның беренче хатын-кыз композиторы.

(Казан, 17 июнь, “Татар-информ”). 21 июньдә Уфа сәнгать училищесының Концерт залында “Багышлау...” дип аталган концерт узачак. Ул Башкортстанның атказанган сәнгать эшлеклесе, Россия һәм Башкортстан Республикасы Композиторлар союзы әгъзасы, мөгаллим Светлана Шаһиәхмәтованың юбилеена багышлана. Аңа август аенда 80 яшь тулачак. Бу хакта “Башинформ” агентлыгы хәбәр итә.

Кичәдә Башкортстан Республикасының Милли симфоник оркестры башкаруында композиторның төрле елларда иҗат иткән “Дүрт кәеф” симфоник циклы, Башкорт сюитасы һәм 1938 елның 10 июлендә Уфада булган фаҗигале хәлләр тәэсирендә язылган “Багышлау” пьесасы яңгыраячак.

Оркестрның дирижеры – Халыкара, Бөтенроссия конкурслары һәм фестивальләре лауреаты Камил Абдуллин.

  • Светлана Шаһиәхмәтова – Башкортстан республикасының беренче хатын-кыз композиторы. Аңа Дмитрий Шостакович үз хәер-фатихасын бирә. Казан консерваториясенең Альберт Леман һәм Нәҗип Җиһанов классларын тәмамлаган. 1964 елда Светлана Шаһиәхмәтова Уфага кайта һәм Уфа сәнгать училищесында музыкаль теория фәннәрен укыта башлый. Шул ук елны Дмитрий Шостакович тәкъдиме белән Светлана Шаһиәхмәтова СССР Композиторлар союзына кабул ителә.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10