ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Әлмәттә «Алтын каләм» фестивале этабында иң яхшы яшь журналистлар җыелган

18 июнь 2019, 09:24 , Фото: almetyevsk.tatar.ru

Әлмәттә «Алтын каләм» фестивале этабында иң яхшы яшь журналистлар җыелган Июнь дәвамында фестивальнең зона этаплары Әлмәттә, Түбән Камада, Болгарда һәм Казанда узачак.

(Казан, 18 июнь, «Татар-информ»). Татарстанның сигез районы яшь журналистлары Әлмәткә килде, анда «Алтын каләм – Золотое перо» XXIV Республика балалар, яшүсмерләр һәм яшьләр матбугаты фестиваленең зона этабы узды. Ул максатка омтылучан һәм иң талантлы яшьләрне җыйды. Бу турыда Татарстан Әлмәт районы администрациясе матбугат хезмәте хәбәр итә.

Июнь дәвамында фестивальнең зона этаплары Әлмәттә, Түбән Камада, Болгарда һәм Казанда узачак. Проектның максаты - республиканың талантлы яшьләрен ачыклау һәм аларга ярдәм итү.

Тантаналы ачылыш барышында конкурсны оештыручылар һәм жюри әгъзалары барлык конкурсантларга уңышлар теләде һәм үзенең киңәшләрен бирде. Алар арасында Казан һәм Әлмәтнең танылган журналистлары да бар иде.

Сайлап алуны уңышлы узган иң яхшы яшь журналистлар 3-7 июль көннәрендә «Идел» яшьләр үзәгендә узачак фестивальнең финал этабында катнашачак. Гран-при ияләре гадәттәгечә К(И)ФУның журналистика югары мәктәбенә ташламалы керү мөмкинлеге алачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10