ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Төмәндә нефть тармагы җиһазлары заводы эше белән танышты

18 июнь 2019, 18:39 , Фото: tatarstan.ru

Рөстәм Миңнеханов Төмәндә нефть тармагы җиһазлары заводы эше белән танышты
Әлеге дөньякүләм класслы җитештерү комплексында барлык процесслар тулысынча автоматлаштырылган.

(Казан, 18 июнь, «Татар-информ»). Татарстан Республикасы Президенты Рөстәм Миңнеханов Төмән өлкәсенә эш сәфәре кысаларында Төмән нефть тармагы җиһазлары заводында булды. Бу хакта республика башлыгының матбугат хезмәте хәбәр итә.

Заводны Америка нефть-газ сервис компаниясе «Бейкер Хьюз» оештырган. Ул бораулау, запасларны бәяләү, скважиналар төгәлләү, нефть һәм газ чыгару буенча барлык эшләр спектрында хезмәт һәм җиһазлар тәкъдим итә. Ул дөньяның туксаннан артык илендә эшли.

Визит делегации Республики Татарстан в Тюменскую область

Предприятие Төмәндә 2014 елда эшләтеп җибәрелгән. Ул нефть кабельләрен җитештерү белән шөгыльләнә. Бу дөньякүләм класслы җитештерү комплексы, анда барлык процесслар тулысынча автоматлаштырылган.

2017 елдан заводта скважиналарны тәмамлау өчен җиһазлар: гидравлик эксплуатация пакерлары, муфталар, күпбаскычлы пласт системалары, клапаннар һ. б. җыю буенча яңа цех эшли.

Визит делегации Республики Татарстан в Тюменскую область

Татарстан Президенты предприятиене карап чыкты һәм технологик процессның үзенчәлекләре, җитештерү ничек оештырылган булуы белән танышты. Шулай ук Рөстәм Миңнехановка җитештерелә торган продукциянең төп характеристикалары турында сөйләделәр.

«Бейкер Хьюз» компаниясе Татарстан белән дә хезмәттәшлектә. Рөстәм Миңнехановка хәбәр ителгәнчә, ул Чаллыда «ТатПром-Холдинг» белән скважина фильтрлары һәм контроль җайланмалары җитештерү өлешендә хезмәттәшлек итә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10