ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Рәсми Татарстан

Миңнеханов Төмән татарларын көндәлек тормышта туган телне онытмаска чакырды

18 июнь 2019, 19:15 , Фото: tatarstan.ru

Миңнеханов Төмән татарларын көндәлек тормышта туган телне онытмаска чакырды "Бары тик шулай гына без аны саклап кала һәм безнең яшь буынга тапшыра алабыз», - диде Татарстан Президенты.

(Казан, 18 июнь, «Татар-информ»). Бүген Татарстан Республикасы Президенты Рөстәм Миңнеханов Төмән өлкәсе татар җәмгыяте активы белән очрашты. Ул биредә яшәүчеләрне татар телен көндәлек тормышта да кулланырга чакырды. Бу хакта Татарстан Президенты матбугат хезмәте хәбәр итә.

Рөстәм Миңнеханов татар телен саклап калуның мөһимлеген әйтте. «Без Себер, Казан яки Әстерхан татарларымы, нинди татар булуыбыз мөһим түгел. Безне дин, гореф-гадәтләр, мәдәни үзенчәлекләр һәм, әлбәттә, тел берләштерә. Татар телен сакларга, көндәлек тормышта: гаиләдә, туганнар, дуслар белән сөйләшергә кирәк. Бары тик шулай гына без аны саклап кала һәм безнең яшь буынга тапшыра алабыз», - диде ул.

Визит делегации Республики Татарстан в Тюменскую область

Рөстәм Миңнеханов татарларның 30 проценты гына Татарстанда яши, калганнары - Россиянең башка төбәкләрендә һәм чит илләрдә, дип искәртте. «Сезнең кебек актив, битараф булмаган кешеләр ярдәме белән татарлар берләшә, уртак чаралар уздыра, милли бәйрәмнәрне билгеләп үтәләр. Бу игелекле эш өчен сезгә рәхмәт. Татарстан Республикасы да бу эштә ярдәм итәчәк», - дип өстәде Рөстәм Миңнеханов.

Татарстан Президенты шулай ук Болгар ислам академиясе каршында җәйге балалар рухи-агарту лагерен оештыру планнары турында хәбәр итте. Очрашу ахырында Рөстәм Миңнеханов татар халкының телен, мәдәниятен һәм традицияләрен саклап калуга һәм үстерүгә зур өлеш керткән өчен Татарстан Республикасы дәүләт бүләкләрен тапшырды.

Визит делегации Республики Татарстан в Тюменскую область

Татар иҗтимагый оешмалары вәкилләре Татарстан Республикасы Президентына үз эшчәнлекләре, Себер татарлары тарихын өйрәнүгә, милли мәдәниятне һәм гореф-гадәтләрне саклауга, татар телен популярлаштыруга юнәлдерелгән проектларны гамәлгә ашыру турында сөйләделәр.

Төмән өлкәсендә якынча 240 мең татар яши. Төбәктә татар халкының милли-мәдәни мохтарияте, Төмән өлкәсе татар яшьләре берлеге, Төмән һәм Тобольск шәһәрләрендә татар мәдәнияте үзәкләре, Төмән шәһәренең «Этнос» балалар төрки үзәге һәм башка оешмалар эшли, татарча «Яңарыш» газетасы, «Яңа сулыш» һәм «Себер йолдызлары» телепрограммасы, «Дусларга сукмак» радиопрограммасы бар. 

Визит делегации Республики Татарстан в Тюменскую область
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10