ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Хәвеф-хәтәр

Казанның Константиновка бистәсендә йорт һәм мунча янган

18 июнь 2019, 21:41 , Фото: скриншот видео из соцсетей

Казанның Константиновка бистәсендә йорт һәм мунча янган
«Яшелчәчелек» бакчачылык ширкәтендә гадәттән тыш хәл вакытында ут күршедәге бакча йортларына күчү куркынычы булган.

(Казан, 18 июнь, «Татар-информ»). Шаһитлар Казанның Константиновка бистәсендә чыккан янгынны видеога төшергән. Кадрлар социаль челтәрләрдә чыкты.

Татарстан Гадәттән тыш хәлләр министрлыгында гадәттән тыш хәлнең бүген көндез булганлыгы турында сөйләделәр. «Яшелчәчелек» бакчачылык ширкәтендә 30 квадрат метр мәйданда йорт һәм мунча янган.

«Ут күршедәге бакча йортларына күчү куркынычы бар иде. Ләкин, янгын сүндерүчеләрнең тотрыклы гамәлләре аркасында, ут таралмады», – дип сөйләделәр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.

Янгынны сүндерүдә дүрт берәмлек техника һәм янгын сүндерү шәхси составыннан егерме кеше катнашкан. Нәтиҗәдә, бер кеше дә зыян күрмәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10