ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Уфада Россия төрки халыкларының тәңгәллеген саклау ассоциациясе оештырылды

19 июнь 2019, 11:11

Ассоциация төрки халыклар вәкилләре белән аралашу, ассимиляцион процесслар көчәю шартларында саклау стратегияләре турында фикер алышу мәйданы булачак.

(Казан, 19 июнь, «Татар-информ»). Мәскәү, Әстерхан, Казан, Төмән һәм Уфа тюркологлары төрки халыкларның тәңгәллеген саклау буенча галимнәр һәм җәмәгать эшлеклеләре Ассоциациясен төзергә карар кылдылар. Бу хакта Бөтендөнья татар конгрессы матбугат хезмәте хәбәр итә.

Галимнәр билгеләгәнчә, төркиләр хәзерге Россия халыкларының төркем саны буенча икенче булып тора. Аларны күпмилләтле дәүләт буларак илебезнең киләчәге борчый. Бу уңайдан төрки халыклар галимнәре һәм җәмәгатьчеләре тырышлыгын берләштерүче Ассоциация булдыру турында карар кабул ителде.

«Ассоциация башка төрки халыклар вәкилләре белән аралашу, ассимиляцион процесслар көчәю шартларында саклау стратегияләре турында фикер алышу, тәңгәллекне саклауның үз стратегияләрен эшләү өчен менә дигән мәйданчык булачак», - диде Мәскәү дәүләт халыкара мөнәсәбәтләр институты вәкиле Әхмәт Ярлыкапов.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10