ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Татарстанда хәбәрсез югалган 499 кеше әле дә табылмаган

19 июнь 2019, 15:00 , Фото: Елена Кривопатре

Татарстанда хәбәрсез югалган 499 кеше әле дә табылмаган Хәбәрсез югалу фактлары буенча җинаять эше кузгатылмаган очракта, эзләү 10 ел дәвамында алып барыла.

(Казан, 19 июнь, “Татар-информ”, Айгөл Шәйхлисламова). Татарстанда бүгенге көнгә, үткән елларны исәпкә алып, хәбәрсез югалган 499 кеше табылмаган. Бу хакта Татарстан буенча Эчке эшләр министрлыгының Җинаятьчеләрне эзләү идарәсе Эчке эшләр бүлегенең затларны эзләү буенча эшчәнлеген координацияләү бүлеге башлыгы Сергей Королев  Эчке эшләр министрлыгында матбугат конференциясендә сөйләде.

“Республикада хәбәрсез югалган кешеләрне әзләү Эчке эшләр министрлыгының эшчәнлегендә приоритетлы юнәлешләрнең берсе булып кала. Балигъ булмаган балалар, психик авырулы кешеләр югалу, криминал белән бәйле югалу очракларына аеруча игътибар бирелә”, - диде Сергей Королев.

Хәбәрсез югалу фактлары буенча җинаять эше кузгатылмаган очракта, эзләү 10 ел дәвамында алып барыла. Тагын 10 ел дәвамында тану картасы архивларда саклана.

Конференция "Татарстанның Эчке эшләр министрлыгының хәбәрсез югалган кешеләрне әзләү буенча эшчәнлеге. Балигъ булмаганнарны эзләү үзенчәлекләре. Волонтер оешмалары белән хезмәттәшлек" темасына багышланды.

  • Татарстанда ел саен югалган кешеләр турында 4 меңнән артык мөрәҗәгать килә. Шуларның 92 процентының кайда булуы кыска вакыт эчендә, ягъни 10 көн үткәнче ачыклана. Югалу очракларының һәр дүртенчесе балигъ булмаган баланың өйдән үз теләге белән китүе белән бәйле.
  • 2017 ел барышында Россия Тикшерү комитетының Татарстан буенча Тикшерү идарәсе хәбәрсез югалган кешеләр эше буенча 19 җинаять эше кузгаткан. 2018 елда хәбәрсез югалган кешеләр эше буенча 21 җинаять эше кузгатылган. Быел 8 җинаять эше кузгатылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10