ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Рәсми Татарстан

Төрекмәнстан Президенты Казанда Сабан туенда ат чабышын караячак

19 июнь 2019, 14:47 , Фото: Рамиль Гали

Төрекмәнстан Президенты Казанда Сабан туенда ат чабышын караячак Гурбангулы Бердымөхәмәдовка мең ел элек хәзерге Төрекмәнстан территориясеннән чыгарылган ахалтекин токымлы атлар чабышын күрсәтәчәкләр.

(Казан, 19 июнь, «Татар-информ», Динара Прокопьева). Төрекмәнстан Президенты Гурбангулы Бердымөхәмәдов Казан ипподромында 23 июньдә Сабан туе бәйрәме көнендә ат чабышларында кунак булачак. Бу хакта «Татар-информ»да узган матбугат конференциясендә Татарстан Республикасы авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов сөйләде.

«Гурбангулы Бердымөхәмәдов, Төрекмәнстан Президенты, безнең олы кунак булачак. Ул киләчәк, һәм без өченче номерлы ат ат чабышларын күрсәтергә телибез», — диде Хаҗипов.

  • Өченче ат чабышлары «Алтын аргамак» дип аталачак. Аларда ахалтекин токымлы атлар катнашачак. Ул мең ел элек хәзерге Төрекмәнстан территориясеннән чыгарылган ахалтекин токымлы атлар.

«Болар атланып йөри торган токымнан — ахалтекиннар, матурлык буенча искиткеч атлар. Без аларны бөтен Россиядән җыйдык. Шундый бер ат Татарстанда «Тимерхан» клубында да бар. Чабышта барлыгы 13 ат катнашачак. Без аларны Дагыстаннан, Мәскәү өлкәсеннән, Ставрополь өлкәсеннән чакырдык. Дистанция - 1200 метр», — дип өстәде Татарстан Республикасы авыл хуҗалыгы һәм азык-төлек министры урынбасары.

Казан ипподромында барлыгы 13 чабыш узачак. Аларда юртаклар, гарәп атлары, пони катнашачак. Ат чабышларында шулай ук Татарстанда туган 15 ат катнаша. Хаҗипов билгеләгәнчә, берничә ел элек аларның саны биш-җидегә кадәр җиткән.

  • Дүшәмбе көнне билгеле булганча, Төрекмәнстан Президенты бер көнлек сәфәр белән Казанга килә һәм Сабан туенда булачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10