ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Фән һәм мәгариф

Студентлар өчен практика узу мәҗбүри булырга мөмкин

20 июнь 2019, 11:17

Закон проекты белем алучыларның гамәли әзерлегенең бердәм формасын булдыруны күздә тота.

(Казан, 20 июнь, “Татар-информ”). Россиядә вузларга барлык студентлар өчен практика узуны мәҗбүри оештырырга тәкъдим итәләр. Әлеге закон проектын Мәгариф һәм фән буенча Дәүләт Думасы комитеты карый. Бу хакта Татарстанның Мәгариф һәм фән министрлыгы хәбәр итә.

Закон проекты белем алучыларның гамәли әзерлегенең бердәм формасын булдыруны күздә тота. Бу һөнәри әзерлекнең бер өлеше булып санала.

“Белем бирү оешмасы үз студентын практикага яки махсус курс узарга башка уку йортына, хәтта башка төбәккә җибәрү мөмкинлеге алачак. Студент махсус курс уза, анда тиешле белем һәм билге ала. Соңыннан бу дипломда да исәпкә алыначак”, - диелә министрлык хәбәрендә.

Баштарак Россия хөкүмәте закон проектын хуплап, әмма кисәтүләр ясап рәсми бәяләмә бастырган иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10