ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Мәдәният

Дәрвишләр бистәсе Сабан туенда 55 мең кеше катнашкан

23 июнь 2019, 17:55 , Фото: Михаил Захаров

Дәрвишләр бистәсе Сабан туенда 55 мең кеше катнашкан Совет районының куркынычсызлык хезмәте кунакларның якынча санын җиткергән.

(Казан, 23 июнь, “Татар-информ”, Айгөл Шәйхлисламова). Бүген Дәрвишләр бистәсе Сабан туенда 55 меңгә якын кеше катнашкан. Совет районы куркынычсызлык хезмәте мәгълүматларын Совет районы матбугат хезмәте “Татар-информ” хәбәрчесенә җиткерде.

Совет районы башлыгының социаль мәсьәләләр буенча урынбасары Айсылу Хәмзина 30 мең кеше кабул итәргә көтелгәнен әйткән иде. “11 мең квадрат метр юлларны төзекләндердек, парковканы яңарттык, ут керттек. Барысы да Сабан туеннан соң Дәрвишләр бистәсендә, Совет районында яшәүчеләр өчен калачак”, - диде ул.

Айсылу Хәмзина Сабан туена әзерлек буенча өметләре аклануын әйтте. “Биш ел дәверендә без ел саен Сабан туен үткәрүне сораучы гаять күп мөрәжәгать кабул итә идек. Каенлыкта аны үткәрүгә бик зур ихтыяҗ бар иде”, - диде ул.

Килгән кунаклар өчен чыгыш ясауда 600гә якын артист катнашкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10