ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Баулылар киңкүләмле хәрби-тарихи реконструкцияләрдә катнашты

25 июнь 2019, 05:00

Сугышны реконструкцияләүдә аутентик техника, форма һәм кораллар кулланылды.

(Баулы, 25 июнь,"Татар-информ", Фәридә Зыярова). 22 һәм 23 июнь көннәрендә Баулы "Пегас" картинг-клубында катнашучылар Киров шәһәрендә узган "Тере тарих" төбәкара тарихи реконструкцияләр фестивалендә һәм Татарстанның Питрәч районында "Әлбәден хәрби уеннары" фестивалендә катнашты. Бу турыда Баулы муниципаль районы сайтында хәбәр ителә.

Билгеле булганча, "Пегас"та катнашучылар берничә ел хәрби техниканы торгызу белән шөгыльләнәләр, шуңа күрә еш кына тарихи фестивальләргә чакыру алалар.

Кировтагы масштаблы чарага баулылар БА-64 броневигын һәм ЗИС-3 пушкасын алып бардылар. Фестивальдә төрле төбәкләрдән барлыгы 400 гә якын реконструктор катнашты.

Кировлылар 1944 елгы Таллин операциясы барышында Йыхви авылын азат итү күренешен карадылар, анда Киров шәһәрендә тупланган 125 нче укчы дивизиясе катнашкан булган.

Сугышны реконструкцияләүдә аутентик техника, форма һәм кораллар кулланылды. Көрәш пиротехника шартлатулары белән үрелеп барды.

Питрәч районының Әлбәдән авылында узган реконструкция дә бик кызык булды. Нәкъ менә шушы авылда Советлар Союзы Герое, Брест крепостенең легендар сакчысы Петр Гаврилов туган. Реконструкция тамашачылар күңеленә хуш килде, алар реконструкторларны алкышларга күмделәр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10