ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Дин

Татарстан мәдрәсәләрендә кабул итү кампаниясе башланды

25 июнь 2019, 10:39 , Фото: dumrt.ru

Татарстан мәдрәсәләрендә кабул итү кампаниясе башланды Быел республиканың мөселман уку йортлары көндезге бүлеккә - 400дән артык шәкерт, кичке һәм читтән торып уку бүлекләрендә 750 кеше өчен урын каралган.

(Казан, 25 июнь, “Татар-информ”). Татарстан мөселман уку йортларында кабул итү кампаниясе башланды. Бу хакта ТР Диния нәзарәте матбугат хезмәте хәбәр итә.

Быел республиканың мөселман уку йортлары көндезге бүлеккә 400дән артык шәкерт кабул итәргә әзер, кичке һәм читтән торып уку бүлекләрендә 750 кеше өчен урын каралган.

  • Бүгенге көндә Татарстанда күп баскычлы дини мәгариф системасы гамәлдә. Башлангыч белемне мәчетләр каршындагы курсларда алып булса, урта белемне мәдрәсәләр, югары белемне Россия ислам институты / Казан ислам университеты (бакалавриат, магистратура) һәм Болгар ислам академиясе (магистратура, докторантура) бирә.

Татарстанның мөселман уку йортларындагы көндезге бүлегендә "нигезле" дәрәҗәдәге белем 3 ел дәвамында укуны күз алдында тота, "югары" дәрәҗә – 5 ел. Мәдрәсәләрнең күбесе "нигезле" укыту программасы буенча белем бирә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10