ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Җәмгыять

Татарстанда социаль ипотекага фатир алуга яшьләр торак конкурсы игълан ителде

25 июнь 2019, 19:11

Конкурста яшьләр сәясәтен гамәлгә ашыру, мәгариф һәм яшьләрне тәрбияләү өлкәсендә эшләүче татарстанлылар катнаша ала.

(Казан, 25 июнь, «Татар-информ»). Татарстанда яшьләр торак конкурсы башланды. Конкурс кысаларында ел саен социаль ипотека программасында катнашу хокукы ала торган 49 җиңүче билгеләнә. Бу хакта Татарстан Мәгариф һәм фән министрлыгы хәбәр итә.

«Татарстанда социаль ипотека программасы буенча торак алуга яшьләр сәясәте лидерлары арасында конкурс ташламалы шартларда яңа фатирлар сатып алу өчен уникаль мөмкинлек бирә», - диелә министрлык хәбәрендә.

Конкурста 18 яшьтән 30 яшькә кадәрге гражданнар, шулай ук Татарстанда даими яшәү урыны буенча теркәлгән 35 яшькә кадәрге яшь галимнәр катнаша ала. Катнашу гаиләнең бер әгъзасына гомуми мәйданы белән тәэмин ителешнең гомуми дәрәҗәсе 18 квадрат метрдан ким булганда карала.

Конкурста шулай ук гариза бирүченең яшьләр сәясәтен тормышка ашыру, мәгариф һәм яшьләрне тәрбияләү өлкәсендә хезмәт һәм иҗтимагый эшчәнлеге дә мәҗбүри шарт булып тора.

Татарстан яшьләр торак конкурсы 2012 елдан бирле республика Хөкүмәте ярдәме белән үткәрелә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10