ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Татар дөньясы

Корея галимнәре төрки дөнья турында энциклопедия әзерли башлаган

25 июнь 2019, 21:13 , Фото: Зилә Мөбәрәкшина

Корея галимнәре төрки дөнья турында энциклопедия әзерли башлаган Профессор Ынгенг О сүзләренчә, Татарстан һәм татар теле турында мәгълүматларны Казан федераль университеты тупларга ярдәм иткән.

(Казан, 25 июнь, “Татар-информ”, Зилә Мөбәрәкшина). Евразиянең төрки халыкларны өйрәнү буенча тикшеренү үзәге җитәкчесе Ынгенг О хәзерге вакытта Кореяның Донг-Док Кызлар университеты галимнәре белән берлектә төрки дөнья турында энциклопедия әзерләүләрен әйтте. Бу хакта ул “Татар-информ” хәбәрчесенә сөйләде.

“Материал җыюда проблемалар булмыйча калмады, төгәлрәк әйткәндә, Татарстан һәм татар теле турында мәгълүматлар аз булды. Әмма ләкин хәзерге вакытта КФУның Филология һәм мәдәниятара багланышлар институты ярдәме белән күп чыганаклар мәгълүм булды”, - диде ул.

Галимә сүзләренчә, КФУда төзелгән меморандум энциклопедияне язарга зур этәргеч һәм ярдәм булачак. “Ул киләчәктә дә элемтәләребез ныгуына төп сәбәпче булыр. Татарстанга беренче килүебез, ләкин туктап каласыбыз килми, мөнәсәбәтләребезне яңа дәрәҗәгә чыгарасыбыз килә. Кореяда да татар теле турында белүләрен телим”, - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10