ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Хәвеф-хәтәр

Чаллы егете Мәләкәс елгасы аша күпердән сикергән

26 июнь 2019, 11:13

18 яшьлек егет Тукай яр буенда суда батып үлгән.

(Казан, 26 июнь, «Татар-информ»). Мәләкәс елгасы аша күпердән сикергән Чаллы кешесенең мәетен коткаручылар табып алган. Егет күпердән сикергән һәм суда батып үлгән. Бу хакта Россия гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Кичә кич белән 6нчы номерлы зона-коткару отряды коткаручылары Тукай яр буена килделәр. Биредә күпердән елгага 18 яшьлек егет сикергән һәм югалган. Сәгать ярым узгач Гадәттән тыш хәлләр министрлыгы хезмәткәрләре һәлак булучының мәетен тапты, судан алып чыгып полицейскийларга тапшырдылар», – дип сөйләделәр министрлыкта.

Татарстан Гадәттән тыш хәлләр министрлыгы статистикасы нигезендә, суда һәлак булу очракларының 80 процентка якыны кешеләрнең исерек килеш, шулай ук җиһазландырылмаган урыннарда су коену аркасында килеп чыгуын искәртә. Тыелган урыннарда су коенган өчен штраф каралган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10