ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов эш сәфәре белән Мәскәүгә килде

26 июнь 2019, 12:23 , Фото: tatarstan.ru

Рөстәм Миңнеханов эш сәфәре белән Мәскәүгә килде
Татарстан Президенты Халыкара су спорт төрләре федерациясе башкарма директоры белән Казанда дөньякүләм ярышлар уздыру турында фикер алышты.

(Казан, 26 июнь, «Татар-информ»). Татарстан Президенты Рөстәм Миңнеханов Халыкара су спорт төрләре федерациясе (FINA) башкарма директоры Корнель Маркулеску белән эшлекле очрашу уздырды. Ул Казанда дөньякүләм дәрәҗәдәге ярышлар уздыру турында фикер алышты. Бу хакта Татарстан Президенты матбугат хезмәтендә хәбәр иттеләр.

Президент Республики Татарстан Минниханов Р.Н. принимает участие во встрече с Корнелем Маркулеску - исполнительным директором Международной федерации водных видов спорта.

«Очрашу кысаларында Татарстан Республикасы белән FINA арасында алга таба хезмәттәшлек итү, уртак проектларны гамәлгә ашыру мәсьәләләре буенча фикер алыштылар. Шул исәптән Казанда Су спорт төрләре үзәге үсеше мәсьәләләре буенча сөйләштеләр, анда инде спортчылар – йөзүчеләр һәм суга сикерүчеләр шөгыльләнә, дөнья чемпионаты этапларына әзерлек бара.

Моннан тыш, Казанда FINA эгидасы белән үткәрелә торган агымдагы чараларга әзерлек турында да фикер алыштылар. Шул исәптән синхрон йөзү һәм суга сикерү һәм йөзү буенча дөнья Кубогы этаплары турында да сөйләшенде», - диделәр матбугат хезмәтендә.

Президент Республики Татарстан Минниханов Р.Н. принимает участие во встрече с Корнелем Маркулеску - исполнительным директором Международной федерации водных видов спорта.

Моннан тыш очрашуда озак вакытка исәпләнгән хезмәттәшлек итү – киләчәктә башка чаралар әзерләү һәм үткәрү мәсьәләләре дә күтәрелде.

  • Казан 2015 елда FINA су спорт төрләре буенча дөнья чемпионатын уздырды, анда 75 комплект медаль уйнатылды. Ярышларда 190 илдән 2,5 меңгә якын спортчы катнашты. 5 августтан 16 августка кадәр Казанда, шулай ук, беренче тапкыр төп чемпионат белән бергә, «Мастерс» категориясендәге ветераннар өчен ярышлар узды. Аларда 110 илдән 5,5 мең спортчы катнашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10