ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Татар дөньясы

Екатеринбургның мөселман зиратында кабат өмә оештыралар

27 июнь 2019, 07:20

Екатеринбургта мөселман зиратының мәйданы 5,2 гектарны тәшкил итә.
(Казан, 27 июнь, "Татар-информ"). 29 июнь көнне Екатеринбургның мөселман зиратында кабат өмә булачак. Бу хакта Свердловск өлкәсе Татар конгрессы хәбәр итә. 
 
Моңа кадәр җирле татарлар 12 июнь көнне зиратны тәртипкә китерү өчен җыелган булган һәм өмәгә көтелгәннән күбрәк халык килгән. Әмма башкарасы эшләр әле бик күп, тарихи каберлекләр яңа төзелешләр астында калырга тиеш түгел, диелә хәбәрдә.
 
Биредә эш күбрәк карт агачларны, куакларны кисүдән гыйбарәт булачак. Шуңа да өмәдә катнашучылардан үзләре белән эш кораллары алып килү сорала.
 
  • Екатеринбургта мөселман зиратының мәйданы 5,2 гектарны тәшкил итә. Аңа 1879 елда нигез салынган. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10