ҺАВА ТОРЫШЫ +18 oC

Яңалыклар

барлык хәбәрләр Татарстан Россия
×

Авыл

Актанышта алгарыш символы булган ат сыны “Әнәк” агрофирмасына тапшырылды

10 июль 2019, 22:00 , Фото: aktanysh-rt.ru/

Актанышта алгарыш символы булган ат сыны “Әнәк” агрофирмасына тапшырылды “Ат” сынына лаек булган “Әнәк” агрофирмасының Кыркаентүбә фермасында бер сыердан көнгә 26,4 килограмм сөт савыла.

(Актаныш, 10 июль, "Татар-информ", "Актаныш таңнары", Лилия Бәхтиева). Бүген Актаныш районында ай нәтиҗәләре буенча исә лаеклы хезмәт нәтиҗәләре күрсәткән хезмәткәрләр район башлыгының акчалата премияләренә ия булды. Бу юлы алгарыш символы булган ат сыны “Әнәк” агрофирмасына тапшырылды. Бу турыда җирле басма хәбәр итә.

Актаныш район башлыгы Энгель Фәттахов терлекчелектә июнь ае йомгаклары буенча беренче урын алган хуҗалык җитәкчесе Фарис Фәтхиевка  “Ат” сыны тапшырды. “Ат” сынына лаек булган “Әнәк” агрофирмасының Кыркаентүбә фермасында бер сыердан көнгә 26,4 килограмм сөт савыла

Районкүләм үткәрелгән семинарлар вакытында да “Әнәк” агрофирмасы үзенең эш тәҗрибәсе, уңыш сере белән уртаклаша. Терлекчелек тармагында да, игенчелек тармагында да яңа технологияләрне куллана. Терлекләрдән продукция алу буенча да, икмәк үстерү буенча да районда әйдәп, үз артыннан ияртүче агрофирма ул бүген.

 Саннарга күз салсак, узган ел белән чагыштырганда “Чишмә” хуҗалыгы – 63, “Алга” – 60, “Наратлы” – 59, “Эконом” – 59, “Нур Баян” – 56, “Нур” 49 башка терлек арттырды. Беренче яртыеллыкта бер сыерга сөт җитештерүне  “Ташкын”, “Таң”, “Чишмә”а.ф., “Нигез”, “Наратлы”, “Чишмә” хуҗалыклары, эре терлек ите җитештерүне “Эконом”, “Таң”, “Наратлы”, “Ташкын”, “Алга”, “Саф”, “Нур” хуҗалыклары, “Актаныш”, “Чишмә” агрофирмалары арттырды.

1 июльгә акча кереме 1196394 мең сум, шуның эченнән 83 815 мең сумы фермерлар кереме. 1 июльгә акча кереме “Наратлы”да – 137, “Ташкын”да – 129, “Нигез”дә – 123, “Актаныш” а.ф. да – 120, “Алга”да – 118, “Чишмә”дә -117, “Эконом”да 117 процентка арткан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10