ҺАВА ТОРЫШЫ +18 oC

Яңалыклар

барлык хәбәрләр Татарстан Россия
×

Авыл

Татарстанда кооперативлар арасында грантлар тәкъдим итү буенча бәйге башланды

11 июль 2019, 10:00 , Фото: архив

Татарстанда кооперативлар арасында грантлар тәкъдим итү буенча бәйге башланды Бәйге «2017-2020 елларда Татарстан Республикасында авыл хуҗалыгы куллану кооперациясен үстерү» программасында катнашучылар арасында үткәрелә.

(Казан, 11 июль, «Татар-информ»). Татарстанда авыл хуҗалыгы куллану кооперативлары арасында грантлар тәкъдим итү буенча бәйге башланды. Бу хакта «Татар-информ» агентлыгына ТР Авыл хуҗалыгы һәм азык-төлек министрлыгыннан хәбәр иттеләр.

Аграр ведомство «2017-2020 елларда Татарстан Республикасында авыл хуҗалыгы куллану кооперациясен үстерү» ведомство максатчан программасында катнашучылар – кооперативлар арасындагы бәйгенең икенче этабын үткәрү турында игълан итте.

«Конкурсның икенче этабы 10 июльдә башланды һәм ул 8 августка кадәр дәвам итәчәк. Бәйгедә җиңүчеләр авыл хуҗалыгы куллану кооперативларының матди-техник базасын үстерү өчен грантлар алачак», - дип хәбәр итте ТР авыл хуҗалыгы һәм азык-төлек министры урынбасары Ришат Хәбипов.

Аның сүзләренчә, грантлар теркәлгән көннән алып 12 айдан да ким эшләмәүче кооперативларга чыгымнар планы тарафыннан матди-техник базаны үстерү өчен билгеләнгән чыгымнарның һәр маддәсеннән 60 проценттан да артыграк булмаган күләмдә биреләчәк.

«Грантларның гомуми күләме 211 миллион 857 мең сум тәшкил итә», - дип искәртте министр урынбасары.

ТР Авыл хуҗалыгы һәм азык-төлек министрлыгында билгеләп үтүләренчә, бәйгедә катнашу өчен гаризалар һәм документлар министрлык тарафыннан 10 июльдән 8 августка кадәр түбәндәге адрес буенча кабул ителә: 420014, Казан шәһәре, Федосеевская урамы, 36 йорт, 3 кат, 309 бүлмә.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10