ҺАВА ТОРЫШЫ +18 oC

Яңалыклар

барлык хәбәрләр Татарстан Россия
×

Спорт

Миңнеханов дөнья күләмендәге беренчелекләрне Казанда ел саен үткәрергә кушты

11 июль 2019, 11:48 , Фото: president.tatarstan.ru

Миңнеханов дөнья күләмендәге беренчелекләрне Казанда ел саен үткәрергә кушты Россия спорт министры Павел Колобков республика җитәкчелегенең башлангычын хуплады.

(Казан, 11 июль, «Татар-информ», Динара Прокопьева). Татарстан Президенты Рөстәм Миңнеханов дөнья яки Россия күләмендәге спорт беренчелекләрен Казанда ел саен үткәрергә йөкләмә бирде. Казан Кремленең рәсми вәкиле Лилия Галимова ТР Министрлар Кабинетында узган брифингта шул хакта хәбәр итте.

«Республика Президенты тупланган потенциал һәм бүгенге көндә бездә булган мирастан файдалану, шулай ук алга таба системалы рәвештә, ел саен ниндидер ярышлар (Халыкара яки Россия күләмендә) үткәрү бурычын куйды», - диде Галимова.

Картинки по запросу лилия галимова татар-информ

Бүген Казан УЕФА Суперкубогы өчен матч уздыру хокукы өчен көрәшә. Татарстан башкаласы шулай ук 2022 елда спортның су төрләре буенча Европа чемпионатын үткәрүгә дәгъва кылачак.

«Әлеге заявкалар хуплау табар, алдагы биш елда дөнья күләмендәге чемпионатлар үткәрә алырбыз дип өметләнәм», - диде Казан Кремленең рәсми вәкиле. Ул июнь аенда Россия спорт министры Павел Колобков белән очрашу уздырылуын искәртте. Ул Казанның спорт беренчелекләре үткәрү өчен заявкалар тапшыру инициативасын хуплаган.

«Хәзерге вакытта әлеге ярышларга күпме чыгымнар таләп ителәчәген санап чыгаруы кыен. Бездәге базаны исәпкә алсак, аларның күләме минималь булачак», - дип ачыклык кертте Галимова.

Ул билгеләп үткәнчә, шәһәрдә төзелгән спорт объектлары, казанлылар алардан файдалануга да карамастан, кешеләр белән һәрвакыт тулы булырга тиеш. Шул ук вакытта, оештыру өлкәсендә тупланган тәҗрибә һәм Казанның яңгыравыклы исеме дә туристларны җәлеп итә ала.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10