ҺАВА ТОРЫШЫ +18 oC

Яңалыклар

барлык хәбәрләр Татарстан Россия
×

Сәясәт

Татарстанның бишенче чакырылыш Дәүләт Советы үз эшен төгәлләде

11 июль 2019, 15:15 , Фото: tatarstan.ru

Татарстанның бишенче чакырылыш Дәүләт Советы үз эшен төгәлләде «2014-2019 елларда мөһим вакыйгалар күп булды, бу чор җиңелләрдән булмады», - диде Фәрит Мөхәммәтшин.

(Казан, 11 июль, «Татар-информ», Гөлнар Гарифуллина). Татарстанның бишенче чакырылыш Дәүләт Советы үз эшен төгәлләде. Парламент җитәкчесе Фәрит Мөхәммәтшин 49нчы утырышта биш еллык эшкә йомгак ясады.

«Биш ел узып та китте. Һәр чакырылыш яңа планнар, казанышлар, ачышлар белән күзаллана. 2014-2019 еллар искәрмә түгел, мөһим вакыйгалар күп булды, бу чор җиңелләрдән булмады», - диде ул. Мөхәммәтшин соңгы биш елда спортның судагы төрләре буенча дөнья чемпионаты, футбол мундиале узганын, парламентаризмның 25 еллыгы, ТАССР Югары Советы сайлануның 80 еллыгы билгеләп үтелүен искәртте.

«Бу елларда Татарстан яхшы үсеш алучы субъект икәнен күрсәтеп, лидер төбәкләр санына керде. Россия икътисадында санкция басымына, финанс чикләүләренә карамастан, без эзлекле социаль-икътисади үсешне саклап кала алдык», - диде Фәрит Мөхәммәтшин.

Парламент башлыгы 2015 елда закон статусында кабул ителгән 2030 елга кадәр Татарстанның социаль-икътисади үсеш стратегиясе ил күләмендә иң яхшы төбәк практикаларының берсе буларак танылуын билгеләп узды.

Дәүләт Советы соңгы биш елда 49 утырыш уздырган, аларда 1989 мәсьәлә каралган. Татарстан Президенты тарафыннан 561 закон имзаланган. 692 федераль закон проекты һәм Россия Федерациясе субъектларының 95 мөрәҗәгате каралган.

ТР Дәүләт Советы Президиумының 51 утырышы үткән. 220 сорау каралган, 275 карар кабул ителгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10