ҺАВА ТОРЫШЫ +18 oC

Яңалыклар

барлык хәбәрләр Татарстан Россия
×

Хәвеф-хәтәр

Уфада тарихчы-этнолог Риф Якупов вафат булган

11 июль 2019, 18:00

Риф Якупов 178 фәнни мәкалә авторы.

(Казан, 11 июль, “Татар-информ”). Бүген, 11 июльдә, Уфада танылган тарихчы-этнолог, тарих фәннәре докторы Риф Якупов 60 яшендә вафат булган. Бу хакта “Башинформ” агентлыгы хәбәр итә.

  • Риф Исмәгыйлевич Якупов 1959 елның 6 августында Стәрлетамакта туган. 1985 елда Башкорт дәүләт педагогика институтын тәмамлаганнан соң, мәктәптә эшли. Югары уку йортында лаборант вазифасыннан доцент вазифасына кадәр күтәрелә.
  • Академик фәнни оешмаларда аспирант, фәнни эш буенча директор урынбасары (Этнологик тикшеренүләр үзәге) булып эшли. Хәзерге көнгә кадәр Мактау Ордены Билгесенә ия булган Тарих тел һәм әдәбият институтында әйдәп баручы фәнни хезмәткәр булып эшләгән.
  • Риф Якупов этногенез һәм Идел-Урал халыкларының, шул исәптән башкорт, татар, типтәрләрнең этник тарихы белән кызыксынган. Шулай ук этнос теориясе, тарих методологиясе, исламны өйрәнү һәм башка юнәлешләр белән кызыксынган. Аның эшләре 178 фәнни мәкаләдә һәм 11 фәнни-методик эштә чагылыш тапкан.

Мәрхүм белән хушлашу 12 июльдә, 10:00 сәгатьтә Россия мөселманнары Диния нәзарәтенең Россия Ислам университетында булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10