ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Авыл

Зәй хуҗалыкларында "Комбайннар парады" уздырдылар

12 июль 2019, 07:00 , Фото: zainsk-rt.ru/news/tema-dnya/zylelr-tizdn-urakka-tsh

Зәй хуҗалыкларында Уракта иң күп ашлык суктырган комбайнчыларга акчалата бүләк тапшырылачак.

(Зәй, 12 июль, "Татар-информ", "Зәй офыклары", Николай Шамионов). Зәй районында Татарстан Авыл хуҗалыгы һәм азык-төлек министрлыгы, “Россельхознадзор”, "Агрокөч" АҖ һәм башка структуралар белгечләре катнашында "Комбайннар парады" узды. Бу турыда район басмасы хәбәр итә.

Аның беренчесе “Зәй шикәре“ агрофирмасының “Сәвәләй” бүлекчәсендә үтте. Әлеге мөһим чарада район башлыгы Разиф Кәримов катнашты.

Быел Зәй районы буенча 40 мең гектарда чәчелгән бөртеклеләрне җыеп алу бурычы тора, шуның 1620 гектары - көзге культуралар, 24 мең гектары - сабан ашлыгы.

-Район басуларында 61 комбайн эшләр дип көтелә. Бер комбайнга уртача 700 гектарда игеннәрне суктырырга кирәк булачак. Әлбәттә, йөкләнеш зур. Әмма инвестор өстәмә техника белән тәэмин итәчәгенә ышандыра. Быел инвестор 23 яңа комбайн сатып алды.”Торум-750”комбайннарының җидесе бүген менә монда әзерлек сызыгында тора, - диде район авыл хуҗалыгы идарәсе башлыгы Фәргать Камалиев.

Комиссия тарафыннан һәр комбайн ныклы тикшерү үтте, һәр бөртекне югалтмауга аерым игътибар ителә.

Механизаторларга урып-җыю чорында хезмәткә түләү шартлары аңлатылды. Уракта иң күп ашлык суктырган комбайнчыларга акчалата бүләк тапшырылачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10